Rěčne lěhwo 2012 w Połpicy

Nadine Zuchold, 6b

Wot 18.-20. apryla přebywachmy w serbskim rěčnym lěhwje w Połpicy. Dnja 18. apryla wotjědźechu rjadownje 5b, 6b a 7b rano we 8.00 hodź. wot šule. Jako dojědźechmy, wobhladachmy sebi najprjedy naše stwy a wupakowachmy naše wěcy. Po powučenjach započinaše so wučba. Wučbne hodźiny běchu 60 mjeńšinow dołhe, potajkim dlěše hač w šuli. Njemějachmy dołhe přestawki, tak zo dyrbjachmy mjez hodźinami chětro chwatać. Po wučbje podachmy so na pućowanje. Z pomocu GPS-nastroja mějachmy wšelake nadawki spjelnić. Poprawom běše předwidźane, zo pućujemy hač k hatej, ale to časa dla njedočinichmy. Najebać to traješe pućowanje štyri hodźiny! Wučerpani wróćichmy so a wjeselachmy so na wječerjeć, kotraž bě wot 18.30 hodź. za nas přihotowana. Po wječeri mějachmy swobodny čas a w 22.00 hodź. bě nócny měr.

Přichodny dźeń započinaše so šula w 9.00 hodź. Mějachmy štyri hodźiny wučby. W připołdnišej přestawce dachmy sebi wobjed słodźeć. Po wučbje podachmy so na dalše pućowanje, tónraz wjedźeše naš puć do lěsa. Po puću wobkedźbowachmy někotre zwěrjata. Někak w 17 .00 hodź. so wróćichmy. Tutón dźeń mějachmy wjac swobodneho časa. Nócny měr bě zaso w 22.00 hodź.

Krótko po sedmich zwonješe budźak na třećim dnju. Dyrbjachmy za pruwowanje wuknyć a naše wěcy zapakować. W 9. hodź. započinaše so pruwowanje, kotrež wobsteješe z ertneho a pisomneho dźěla. Pisomny dźěl bě wo wjele češi hač ertny. Po wotpołoženju pruwowanjow nastajichmy so w 11.00 hodź. na dompuć.

Rěčne lěhwo