Maiwuchs, Holz und Heavy Metal
Serbski srjedźnošulski dźeń
Dnja 13. meje wotmě so na našej šuli „Srjedźnošulski dźeń“. Hižo k šestemu razej
zaběrachu so šulerjo na wšelakore wašnje ze serbskej rěču a kulturu. Na
stacijach móžachu woni ranku wić, so z drjewom a ze zelami zaběrać, reje wokoło
meje wuspytać, ćěło jako bubon wužiwać, serbsce basnić a znački ze serbskim
napismom zhotowić. Šulska band měješe na tutym dnju wosebiteho nawodu. Marko
Njek nazwučowa z hudźbnikami nowej spěwaj.
Po słódnej kołbasce a hišće slódnišim lodźe zetkachu so wšitcy
na žurli SKC. Tam předstajichu šulerjo swoje literarne wudźěłki a pokazachu
swoju rytmisku žiłku pod nawodom Floriana Kaulfürsta. Šulska band wobrubi
zakónčacy program z nazwučowanymi spěwami. Wšitkim, kotřiž su přihotowali a
stacije nawodźeli słuša dźak, najwjetši dźak pak słuša knjezej Fabianej za
cyłkownu organizaciju. Bjez tuteje njeby tutón dzeń tak wuspěšny był.
