|
|
||||||
|---|---|---|---|---|---|---|
|
|
|||||||||
Dnja 8. meje wotmě so w Róžeńće prěnje wubědźowanje mydłowych kistow. Serbski dźěćacy časopis „Płomjo“ bě přeprosyło a my, šulerjo rjadownje 7b, so rady na tym wobdźělichmy. Zhromadnje z našej wučerku serbšćiny sebi w Płomjenju dokładnje přečitachmy, na čo mějachmy dźiwać.
Někak 3 měsacy na mydłowej kisće twarichmy. Mnoho hodźinow dźěłachmy, twarichmy a molowachmy. Krótko před wubědźowanskim dnjom bě wšitko hotowe.
8. meje w 15 hodź. bě start. Valentin a Claudine běštaj našej pilotaj, Hanzo, Christopher, Philipp a Lukas ćišćachu mydłowu kistu potom horu horje. Woni su derje trenowali a tohodla běchu jara spěšni. Knjez Fabian a knjeni Fabianowa a tež knjeni Jurencec nas zhromadnje z našimi staršimi podpěrachu. Dźakowano intensiwineho treninga a podpěry dorosćenych docpěchmy 1. městno. Z wulkim wotstawkom přesadźichmy so přećiwo tamnym třom mustwam.
