Z jědźernje bu partyjowa rumnosć

Dnja 2. Decembra 2010 wotmě so prěnja Serbska After School Party.

Rumnosće w pincy šule buchu na party-pincu přeměnjene: W medijowej rumnosći wobhladachu sej zajimcy kaž w kinje zdźěla samoprodukowane clipy a trikowy film, Serbska Jama přeprosy pod nawodom młodźinskeho towarstwa Pawk na hry a paslenje. Jědźernja stawaše so přez DJa Marka najprjedy z dancefloorom a po tym z jewišćom za šulsku band „Pipe“ a breakdancerow WCB. Wšitcy dawachu swoje najlěpše a zahorichu publikum.

Wutrobny dźak wšěm aktiwnym sobuskutkowacym a organizatoram, hłownje knjeni Kaulfürstowej.

2. Dezember 2010